பெங்களூரு-
நாடு முழுவதும் வீடுகளுக்கு பயன்படுத்தப்படும் சமையல் கியாஸ் மற்றும் வணிக சிலிண்டர்களின் விலை நேற்று அதிரடியாக உயர்த்தப்பட்டுள்ளது. அதாவது வீடுகளுக்கு பயன்படுத்தப்படும் 14.2 கிலோ எடை கொண்ட கியாஸ் சிலிண்டரின் விலை ரூ.50 மற்றும் வணிக சிலிண்டர்களின் விலை ரூ.350 உயர்த்தப்பட்டு இருக்கிறது. இதன்மூலம் கர்நாடகத்தில் 19 கிலோ எடை கொண்ட வணிக சிலிண்டரின் விலை ரூ.2,119.50 ஆக உயர்ந்துள்ளது. பெங்களூருவில் வினியோகிப்பாளர்களுக்கு வழங்கும் ரூ.50-ஐ சேர்த்து வீடுகளுக்கு பயன்படுத்தும் கியாஸ் சிலிண்டர் விலை ரூ.1,155 ஆக உயர்ந்து இருப்பதால் இல்லத்தரசிகள் கடும் அதிர்ச்சி அடைந்துள்ளனர்.