கன்னியாகுமரி-திப்ரூகார் இடையே வாராந்திர சிறப்பு ரெயில் - தெற்கு ரெயில்வே அறிவிப்பு

திருவனந்தபுரம்,

தெற்கு ரெயில்வேயின் திருவனந்தபுரம் மண்டல தலைமை அலுவலகம் வெளியிட்டுள்ள செய்தி குறிப்பில் கூறியிருப்பதாவது:-

திப்ரூகார்- கன்னியாகுமரி இடையே வாராந்திர அதிவேக சிறப்பு ரெயில் இன்று (சனிக்கிழமை) முதல் இயக்கப்படுகிறது. திப்ரூகாரில் இருந்து இன்று இரவு 7.25 மணிக்கு புறப்படும் சிறப்பு ரெயில் (எண். 05906) 2-ந் தேதி (செவ்வாய்க்கிழமை) இரவு 10 மணிக்கு கன்னியாகுமரி வந்து சேரும்.

மறுமார்கமாக 4-ந் தேதி (வியாழக்கிழமை) கன்னியாகுமரியில் இருந்து மாலை 5.30 மணிக்கு புறப்படும் சிறப்பு ரெயில் (எண். 05905) 7-ந் தேதி (ஞாயிற்றுக்கிழமை) இரவு 8.50 மணிக்கு திப்ரூகார் சென்றடையும். இதில் 5 குளிரூட்டப்பட்ட பெட்டிகள், 7 படுக்கை வசதி கொண்ட பெட்டிகள், 3 இரண்டாம் வகுப்பு இருக்கை வசதி கொண்ட பெட்டிகள் இணைக்கப்பட்டுள்ளது. இந்த ரெயில் திருவனந்தபுரம், கோட்டயம், எர்ணாகுளம் டவுன், விஜயவாடா புவனேஸ்வர், கவுகாத்தி வழியாக இயக்கப்படும்.

இவ்வாறு அதில் கூறப்பட்டுள்ளது.