காரைக்கால்

காரைக்கால் மாவட்ட பட்டதாரி ஆசிரியர் சங்கம் சார்பில் ஆசிரியர் தின விழா காரைக்கால் அம்மையார் கலையரங்கத்தில் இன்று கொண்டாடப்பட்டது. விழாவுக்கு பட்டதாரி ஆசிரியர் சங்க தலைவர் மகாதேவன் தலைமை தாங்கினார். சிறப்பு விருந்தினராக அமைச்சர் சந்திர பிரியங்கா, எம்.எல்.ஏக்கள் நாஜிம், நாக.தியாகராஜன், பெற்றோர் சங்கத் தலைவர் சோழசிங்கராயர் மற்றும் கல்வித்துறை அதிகாரிகள், ஆசிரியர்கள், மாணவ-மாணவிகள் கலந்து கொண்டனர்.

விழாவில் அமைச்சர் பேசுகையில், விரைவில் மாணவர்கள் பயணம் செய்வதற்கான ஒரு ரூபாய் கட்டண பஸ் விரைவில் இயக்கப்படும் என்றார். தொடர்ந்து சிறப்பாக கல்வி பணியாற்றிய ஆசிரியர்களுக்கு பெற்றோர் சங்கம் சார்பாக விருது வழங்கப்பட்டது.