இன்பினிக்ஸ் நிறுவனம் ஹாட் 11 என்ற பெயரில் புதிய ரக ஸ்மார்ட்போனை அறிமுகம் செய்துள்ளது. இது 6.6 அங்குல முழு ஹெச்.டி. திரையைக் கொண்டுள்ளது. இதில் ஆக்டா கோர் ஹீலியோ ஜி 70 பிராசஸர் உள்ளது. இது 4 ஜி.பி. ரேம், 64 ஜி.பி. நினைவகம் கொண்டது. இதன் நினைவகத் திறனை எஸ்.டி. கார்டு மூலம் 256 ஜி.பி. வரை விரிவாக்கம் செய்யலாம். இரண்டு சிம் கார்டு போடும் வசதி கொண்டது.
ஆண்ட்ராய்டு 11 இயங்குதளம் உடையது. பின்புறம் 13 மெகா பிக்ஸெல் கேமராவும், முன்புறம் 8 மெகா பிக்ஸெல் கேமராவும் உள்ளது. 5,200 எம்.ஏ.ஹெச். திறன் கொண்ட பேட்டரி மற்றும் 10 வாட் சார்ஜருடன் வந்துள்ளது. இதன் விலை சுமார் ரூ.8,999. இதில் இன்பினிக்ஸ் ஹாட் 11 எஸ் என்ற மாடலும் வந்துள்ளது. அதன் விலை சுமார் ரூ.10,999.
