ஸ்மார்ட்போன் தயாரிப்பில் முன்னிலை வகிக்கும் டெக்னோ நிறுவனம் புதிதாக ஸ்பார்க் கோ 2021 என்ற பெயரிலான ஸ்மார்ட்போனை அறிமுகம் செய்துள்ளது. இது 6.52 அங்குல முழு ஹெச்.டி. திரை கொண்ட இதில் மீடியாடெக் ஹீலியோ குவாட் கோர் பிராசஸர் உள்ளது. இது 2 ஜி.பி. ரேம், 32 ஜி.பி. நினைவகம், இரண்டு சிம்கார்டு போடும் வசதி கொண்டது. பின்புறம் 13 மெகா பிக்ஸெல் கேமராவும், முன்புறம் 8 மெகா பிக்ஸெல் கேமராவும் உள்ளது. பின்புறம் விரல் ரேகை உணர் சென்சார் இடம் பெற்றிருக்கிறது.
நீண்ட நேரம் செயல்பட வசதியாக இதில் 5 ஆயிரம் எம்.ஏ.ஹெச். திறன் கொண்ட பேட்டரி பயன்படுத்தப்பட்டுள்ளது. நீலம், ஆரஞ்சு உள்ளிட்ட கண்கவர் நிறங்களில் வந்துள்ள இந்த ஸ்மார்ட்போனின் விலை சுமார் ரூ.7,299.
