அதே போல டொயோட்டா கிர்லோஸ்கர் மோட்டார் ஹிலாக்ஸ் காருக்கான முன்பதிவும் தொடங்கியுள்ளது. நான்கு சக்கர சுழற்சி கொண்ட ஸ்டாண்டர்டு மாடல் விலை சுமார் ரூ.33,99,000. இதில் எம்.டி. ஹை மாடல் விலை சுமார் ரூ.35,80,000. ஆட்டோமேடிக் கியர் வசதி கொண்ட ஏ.டி. ஹை மாடல் விலை சுமார் ரூ.36,80,000. சர்வதேச அளவில் இது மிகுந்த வரவேற்பைப் பெற்ற மாடலாகும். 50 ஆண்டுகளாக இதில் 8 தலைமுறை மாடல்கள் அறிமுகமாகியுள்ளன. 180 நாடுகளில் இது பிரபலமான, பெருமளவிலான மக்களின் தேர்வாக விளங்குகிறது. இதுவரையில் 2 கோடி மக்கள் இந்தக் காரை பயன்படுத்தியுள்ளனர்.
இது 2.8 லிட்டர் நான்கு சிலிண்டர் டர்போ டீசல் என்ஜினைக் கொண்டுள்ளது. இதில் 6 கியர்கள் உள்ளன. இரண்டு விதமான ஓட்டும் நிலைகள் (பவர் மற்றும் எகானமி) உள்ளன. டயரின் கோணத்தை கண்காணிக்கும் வசதி, முன்புற பார்க்கிங் சென்சார் உள்ளிட்ட வசதிகளும் உண்டு.