சொகுசு கார்களைத் தயாரிக்கும் போக்ஸ்வேகன் நிறுவனம் தனது பிரபல தயாரிப்புகளான போலோ மற்றும் வென்டோ மாடல் கார்களில் மேட் எடிஷனை தற்போது அறிமுகம் செய்துள்ளது. ஸ்கோடா நிறுவனம் தனது ரேபிட் மாடலில் மேட் எடிஷனை அறிமுகம் செய்ததைத் தொடர்ந்து தற்போது போக்ஸ் வேகனும் அத்தகைய மாடலை அறிமுகம் செய் துள்ளது. வழக்கமான மாடல்களைக் காட்டிலும் இதன் விலை சுமார் ரூ.15 ஆயிரம் அதிகமாகும்.
இரண்டு மாடல் கார்களிலும் உள்புறம் பெரிய அளவில் மாறுதல்கள் ஏதும் செய்யப்படவில்லை. 16 அங்குல அலாய் சக்கரம், தோல் உறை கொண்ட ஸ்டீயரிங் சக்கரம், கியர் ஹான்டில், இன்டீரியர் ரியர்வியூ மிரர், 6.5 அங்குல தொடு திரை, ஆப்பிள் கார்பிளே மற்றும் ஆண்ட்ராய்டு ஆட்டோ, குரூயிஸ் கண்ட்ரோல், மழை உணர் வைபர், ஆட்டோ ஏர் கண்டிஷனிங் உள்ளிட்ட வசதிகளைக் கொண்டது. இவை இரண்டுமே 110 ஹெச்.பி. திறன், 172 நியூட்டன் மீட்டர் டார்க் இழுவிசையை வெளிப் படுத்தும் வகையிலான 1 லிட்டர் டி.எஸ்.ஐ. டர்போ பெட்ரோல் என்ஜினைக் கொண்டவை.