பொறையாறு
செம்பனார்கோவில் ஒருங்குமுறை விற்பனை கூடத்தில் ரூ.1 கோடிக்கு பருத்தி ஏலம் போனது. இதனால், விவசாயிகள் மகிழ்ச்சி அடைந்தனர்.
பருத்தி ஏலம்
நாகை விற்பனைக்குழு சார்பில் செம்பனார்கோவில் ஒழுங்குமுறை விற்பனை கூடத்தில் 2022-ம் ஆண்டுக்கான பருத்தி மறைமுக ஏலம் நேற்று மாலை நடந்தது. டெல்டா மாவட்டங்களில் தேசிய வேளாண் மின்னணு சந்தைத் திட்டத்தின் (இ-நாம்) மூலம் நடைபெற்ற இந்த பருத்தி ஏலத்தில் சுமார் 1,250 குவிண்டால் பருத்தியை விவசாயிகள் கொண்டு வந்திருந்தனர்.இதில் 250-க்கும் மேற்பட்ட விவசாயிகளும், தஞ்சை, நாகப்பட்டினம், தேனி, சேலம், விழுப்புரம், திருப்பூர் போன்ற மாவட்டங்களில் இருந்து வியாபாரிகளும் கலந்து கொண்டனர்.
இதில், அதிகபட்சமாக ஒரு குவிண்டால் பருத்தி பஞ்சு ரூ.12 ஆயிரத்து 379-க்கும், குறைந்தபட்சமாக குவிண்டால் ஒன்றுக்கு ரூ.8 ஆயிரத்து 865 -க்கும் ஏலம் போனது.
ரூ.1 கோடிக்கு...
இந்த மறைமுக ஏலத்தில் ரூ.1 கோடிக்கு மேல் பருத்தி ஏலம் போனதால் விவசாயிகள் மகிழ்ச்சி அடைந்தனர்.