சென்னை புது வண்ணாரப்பேட்டையைச் சேர்ந்தவர் ஜி.கே.கந்தசாமி. அ.தி.மு.க. பிரமுகரான இவர், சென்னை போலீஸ் கமிஷனர் அலுவலகத்தில் பரபரப்பு புகார் மனு ஒன்றை கொடுத்தார். அந்த புகார் மனுவில் கூறி இருப்பதாவது:-
நான் வடசென்னை மாவட்ட அ.தி.மு.க. மீனவர் அணி பொருளாளராக இருக்கிறேன். முன்னாள் அமைச்சர் நத்தம் விசுவநாதன் மின்சாரத்துறையில் வேலை வாங்கி தருவதாக சொன்னார். அவர் சொன்னதின் பேரில் எனக்கு தெரிந்த 6 பேரிடம் ரூ.27 லட்சம் வசூலித்து கொடுத்தேன். ஆனால் அவர் வேலை வாங்கி தராமல் ரூ.27 லட்சத்தையும் திருப்பித்தராமல் மோசடி செய்து விட்டார். அவர் மீது சட்டபூர்வ நடவடிக்கை எடுத்து, ரூ.27 லட்சம் பணத்தையும் மீட்டுத்தரும்படி வேண்டுகிறேன்.
இவ்வாறு புகார் மனுவில் தெரிவிக்கப்பட்டுள்ளது.