விருதுநகர்,
விருதுநகர் மாவட்டம் சிவகாசியில் நடப்பாண்டில் ரூ.6,000 கோடிக்கு உற்பத்தியான பட்டாசுகள் இந்தியா முழுவதும் அனுப்பப்பட்டு விற்பனை செய்யப்பட்டுள்ளதாக தகவல் வெளியாகியுள்ளது. காலநிலை பாதிப்பு, பட்டாசு உற்பத்தியில் தொய்வு, பட்டாசு தொழிற்சாலைகளில் நடத்தப்பட்ட ஆய்வுகள் போன்றவற்றால் தீபாவளிக்கு முன்னதாக பட்டாசு உற்பத்தியில் 10% பின்னடைவு இருந்ததாக தெரிவிக்கப்பட்டுள்ளது.
தற்காலிக பட்டாசு விற்பனைக்கு உரிமம் அளிக்க தாமதமான காரணத்தால், தமிழக பட்டாசு விற்பனையில் கடந்த ஆண்டு தீபாவளி பண்டிகை விற்பனையை விட இந்த ஆண்டு 50 கோடி ரூபாய் அளவிற்கு வியாபாரம் குறைந்துள்ளதாகவும் பட்டாசு உற்பத்தியாளர்கள் தெரிவித்துள்ளனர்.