நாட்டறம்பள்ளி அருகே உள்ள பி.பந்தாரப்பள்ளி கிராமத்தில் வசித்து வரும் வினோத் என்பவரின் வீட்டின் பின்புறத்தில் உள்ள நிலத்தில் பாம்பு ஒன்று இருப்பதாக நாட்டறம்பள்ளி தீயணைப்பு துறையினருக்கு தகவல் தெரிவித்தனர். அதன்பேரில் நிலைய அலுவலர் ரமேஷ் தலைமையில் தீயணைப்பு வீரர்கள் சென்று சுமார் 4 அடி நீள நல்லபாம்பை பிடித்து திருப்பத்தூர் வனத்துறையினரிடம் ஒப்படைத்தனர். அவர்கள் அருகில் உள்ள காப்புக்காட்டில் பாம்பை விட்டனர்.
