நாகர்கோவிலில் இருந்து மதுரை வழியாக தாம்பரத்துக்கு இயக்கப்படும் சிறப்பு ரெயிலில் கூடுதல் பெட்டிகள் இணைப்பு

மதுரை,

நாகர்கோவிலில் இருந்து மதுரை வழியாக தாம்பரம் ரெயில் நிலையத்துக்கு பண்டிகைகால சிறப்பு ரெயில் இயக்கப்படுகிறது. இந்த ரெயில் (வ.எண்.06003) வருகிற 13-ந் தேதி தாம்பரத்தில் இருந்து இரவு 9.40 மணிக்கு புறப்பட்டு அதிகாலை 4.45 மணிக்கு மதுரை ரெயில் நிலையம் வந்தடைகிறது. காலை 9.30 மணிக்கு நாகர்கோவில் சென்றடைகிறது.

மறுமார்க்கத்தில், நாகர்கோவிலில் இருந்து இந்த ரெயில் (வ.எண்.06004) வருகிற 17-ந் தேதி மாலை 4.15 மணிக்கு புறப்பட்டு இரவு 9 மணிக்கு மதுரை ரெயில் நிலையம் வந்தடைகிறது. மறுநாள் அதிகாலை 4.10 மணிக்கு தாம்பரம் ரெயில் நிலையம் சென்றடைகிறது.

இந்த ரெயிலில் தற்போது பயணிகளின் வசதிக்காக கூடுதல் பெட்டிகள் இணைக்கப்பட்டுள்ளன. அதன்படி, 3-அடுக்கு குளிரூட்டப்பட்ட பெட்டிகள்-3, 2-ம் வகுப்பு தூங்கும் வசதி பெட்டிகள்-11, பொதுப்பெட்டிகள் -7, 2 பார்சல் பெட்டிகள் இணைக்கப்பட்டிருக்கும். அதாவது, தலா 3 இரண்டாம் வகுப்பு தூங்கும் வசதி பெட்டிகள் மற்றும் பொதுப்பெட்டிகள் கூடுதலாக இணைக்கப்பட்டுள்ளன.