திருச்செந்தூர்:
திருச்செந்தூர் அருகே உள்ள ஆலந்தலையில் இயேசுவின் திருஇருதய அற்புத கெபியின் 95-வது ஆண்டு பெருவிழா கடந்த 16-ந் தேதி கொடியேற்றத்துடன் தொடங்கியது. இப்பெருவிழா வருகிற 25-ந் தேதி வரை நடக்கிறது. முன்னதாக மாலையில் பெருவிழா கொடி ஊரின் முக்கிய வீதிகளில் ஊர்வலமாக சென்று மீண்டும் கெபியை வந்தடைந்தது. பின்னர் மாலை 6 மணிக்கு திருக்கொடியேற்றம் மற்றும் திருப்பலி நடைபெற்றது. விழா நாட்களில் திருயாத்திரை திருப்பலி, ஜெபமாலை, மறையுரை, நற்கருணை ஆசீர் ஆகியன நடக்கிறது.
24-ந் தேதி காலை திருயாத்திரை திருப்பலியும், மாலையில் தூத்துக்குடி மறைமாவட்ட ஆயர் ஸ்டீபன் அந்தோணி தலைமையில் திருவிழா மாலை ஆராதனை மற்றும் மறையுரையும் நடக்கிறது. அன்றிரவு 9 மணிக்கு சப்பர பவனி நடக்கிறது. 25-ந் தேதி காலை 5.15 மணிக்கு முதல் திருப்பலி, 6.30 மணிக்கு பெருவிழா திருப்பலி, 11.30 மணிக்கு வாரவழிபாடு, திருப்பலி ஆகியவை நடக்கிறது. மாலை 4.30 மணிக்கு திருயாத்திரை திருப்பலியும், ஜெபமாலை, நற்கருணை ஆசீரும் தொடர்ந்து கொடியிறக்கமும் நடக்கிறது.