கோவில்பட்டியில்ரெயிலில் அடிபட்டு முதியவர் பலி

கோவில்பட்டி (மேற்கு):

கோவில்பட்டி வேலாயுதபுரம் ரெயில்வே தண்டவாள பகுதியில் 70 வயது முதியவர் நேற்று மாலையில் நெல்லை- தாதர் எக்ஸ்பிரஸ் ரெயில் அடிபட்டு பிணமாக கிடப்பதாக, ரயில் நிலைய அதிகாரி தூத்துக்குடி ரயில்வே போலீசுக்கு தகவல் கொடுத்தார். இதை தொடர்ந்து ரெயில்வே போலீஸ் சப்- இன்ஸ்பெக்டர் நாராயணன்ஸமற்றும் போலீசார் சம்பவ இடத்திற்கு சென்று விசாரணை நடத்தினா. ரெயிலில் அடிபட்டு இறந்த முதியவர் நீல நிறத்தில் கைலியும், மஞ்சள் நிறத்தில் அரைக்கை சட்டையும் அடைந்திருந்தார். அவர் யார் ? எந்த ஊரைச் சேர்ந்தவர்? தண்டவாளத்தை கடக்கும்போது ரெயிலில் அடிபட்டு இறந்தாரா? அல்லது தற்கொலை செய்து கொண்டாரா? என்று போலீசார் விசாரணை நடத்தி வருகின்றனர். மேலும் முதியவர் பிணத்தை ரெயில்வே போலீசார் கைப்பற்றி பிரேத பரிசோதனைக்காக கோவில்பட்டி அரசு மருத்துவமனைக்கு அனுப்பி வைத்தனர்.