காஞ்சிபுரம் காப்பகத்திலிருந்து தப்பிய மேலும் ஒரு சிறுமி மீட்பு.!

காஞ்சிபுரம்,

காஞ்சிபுரம் பிள்ளையார்பாளையம் பகுதியில் குழந்தைகள் மற்றும் பெண்கள் காப்பகம் உள்ளது. இங்கு ஆதரவற்ற பெண்கள் மற்றும் பல்வேறு பிரச்சினைகளில் போலீசாரால் மீட்கப்படும் சிறுமிகள் தங்க வைக்கப்பட்டு உள்ளனர்.

சுமார் 20-க்கும் மேற்பட்ட சிறுமிகள், பெண்கள் தங்கி இருந்தனர். இந்த நிலையில் இன்று அதிகாலை காப்பகத்தில் இருந்த 6 பேர் திடீரென மாயமானார்கள். காப்பக பாதுகாவலர் ஆய்வு செய்தபோது 6 பேர் காப்பகத்தில் இருந்து ஓட்டம் பிடித்து இருப்பது தெரிந்தது. அவர்கள் அனைவரும் 20 வயதுக்குட்பட்டவர்கள் என்றும் காதல் விவகாரத்தில் மீட்கப்பட்டவர்கள் என்றும் தெரிகிறது.

இந்த நிலையில், போலீசாரின் தீவிர விசாரணை மற்றும் தேடுதலை தொடர்ந்து கானாமல் போன 4 பேர் மீட்கப்பட்ட நிலையில், இன்று மேலும் ஒருவர் மீட்கப்பட்டார். நண்பர் வீட்டில் தஞ்சமடைந்த ஈரோடு சிறுமியை தனிப்படை போலீசார் மீட்டனர். இன்னும் ஒருவரை தேடும் பணி நடைபெற்று வருகிறது.