மருத்துவம் சார்ந்த படிப்புகளுக்கு இன்று முதல் விண்ணப்பிக்கலாம் - மருத்துவ கல்வி இயக்ககம் அறிவிப்பு

சென்னை,

தமிழகத்தில் மருத்துவம் சார்ந்த பட்டப் படிப்புகளுக்கான பி.ஃபார்ம், பி.எஸ்.சி. நர்சிங் உள்ளிட்ட படிப்புகளில் சேர விரும்பும் மாணவர்கள் இன்று முதல் விண்ணப்பிக்கலாம் என்று மருத்துவக் கல்வி இயக்ககம் தெரிவித்துள்ளது.

இது குறித்து வெளியிடப்பட்டுள்ள செய்திக்குறிப்பில், 2022-23 ஆம் கல்வி ஆண்டில் பி.எஸ்.சி. நர்சிங், டிப்ளமோ இன் சைக்காட்ரி, பி.ஃபார்ம்., போஸ்ட் பேசிக் டிப்ளமோ உள்ளிட்ட படிப்புகளில் சேர விண்ணப்பங்கள் வரவேற்கப்படுவதாக கூறப்பட்டுள்ளது. இதனை இணையதளம் வாயிலாக இன்று முதல் வரும் 12-ம் தேதி வரை விண்ணப்பிக்கலாம் என்று தெரிவிக்கப்பட்டுள்ளது.