திருவள்ளூரை அடுத்த பேரம்பாக்கம் கிராமம் மந்தவெளியம்மன் கோவில் தெருவில் வசித்து வருபவர் நவீன் குமார் (வயது 40). மாநகர பஸ்சில் டிரைவராக பணிபுரிந்து வருகிறார். இவர் நேற்று காலை வீட்டை பூட்டிவிட்டு மனைவியுடன் சென்னையில் உள்ள உறவினர் வீட்டிற்கு சென்றார். பிள்ளைகள் 2 பேரும் பள்ளிக்கு சென்றனர். பின்னர் மாலை வீடு திரும்பியபோது வீட்டின் முன்பக்க கதவின் பூட்டு உடைக்கப்பட்டு இருப்பதை கண்டு அதிர்ச்சியடைந்தார். உள்ளே சென்று பார்த்தபோது பீரோ உடைக்கப்பட்டு அதில் இருந்த 5 பவுன் நகை திருட்டு போனது தெரியவந்தது.
இதுபற்றி மப்பேடு போலீஸ் இன்ஸ்பெக்டர் அந்தோணி ஸ்டாலின், சப்-இன்ஸ்பெக்டர் இளங்கோ ஆகியோர் வழக்குப்பதிவு செய்து விசாரணை நடத்தி வருகின்றனர்.