மாட்டுவண்டி எல்கை பந்தயம்

மாட்டுவண்டி பந்தயம்

புதுக்கோட்டை மாவட்டம், ஆவுடையார்கோவில் தாலுகா பாண்டிபத்திரம் முத்துமாரியம்மன் கோவிலில் பொங்கல் விழா நடைபெற்றது. இதை முன்னிட்டு பாரிவள்ளல் இளைஞர் நற்பணி மன்றம் மற்றும் கிராமமக்கள் சார்பில் 17-ம் ஆண்டு மாட்டு வண்டி எல்கை பந்தயம் நடைபெற்றது.

பந்தயத்தில் புதுக்கோட்டை, ராமநாதபுரம், சிவகங்கை, தஞ்சாவூர் உள்ளிட்ட பல்வேறு பகுதிகளில் இருந்து 90 மாட்டு வண்டிகள் கலந்து கொண்டன. இதில் பெரிய மாடு, நடுமாடு, சிறிய மாடு என 3 பிரிவுகளாக பிரிக்கப்பட்டு பந்தயம் நடைபெற்றது.

பரிசு

பெரிய மாட்டுவண்டிக்கு 9 கிலோ மீட்டர் தூரமும், நடுமாடு பிரிவுக்கு 7 கிலோ மீட்டர் தூரமும், சிறிய மாடு பிரிவுக்கு 5 கிலோ மீட்டர் தூரம் நிர்ணயிக்கப்பட்டது. பந்தயத்தில் எல்கையை நோக்கி மாட்டு வண்டிகள் சீறிப்பாய்ந்து சென்றன.

இதில் வெற்றி பெற்ற முதல் 3 இடங்களை பிடித்த மாட்டு வண்டிகளின் உரிமையாளர்களுக்கு ரொக்கம், கேடயம் பரிசாக வழங்கப்பட்டது. சாலையில் இருபுறமும் திரளான ரசிகர்கள் நின்று பந்தயத்தை கண்டு களித்தனர்.