காளையார்கோவில் அருகே மாட்டுவண்டி பந்தயம்

காளையார்கோவில்

காளையார்கோவில் அருகே கோவில் பொங்கல் விழாவையொட்டி மாட்டுவண்டி பந்தயம் நடைபெற்றது.

பொங்கல் விழா

காளையார்கோவில் ஒன்றியத்திற்குட்பட்ட நகரம்பட்டி கிராமத்தில் உள்ள அழகியம்மன் கோவில் செவ்வாய் பொங்கல் விழாவையொட்டி மாட்டு வண்டி பந்தயம் நகரம்பட்டி-மதகுபட்டி சாலையில் நடைபெற்றது. இதில் மொத்தம் 27 வண்டிகள் கலந்துகொண்டு பெரியமாட்டு வண்டி பந்தயம், சின்ன மாட்டு வண்டி பந்தயம் என இரு பிரிவாக நடைபெற்றது.

முதலில் நடைபெற்ற பெரியமாட்டு வண்டி பந்தயத்தில் 8 வண்டிகள் கலந்துகொண்டு முதல் பரிசை தெற்குப்பட்டியை சேர்ந்த பிரேம் மற்றும் கல்லுப்பட்டி குருந்தடியான் வண்டியும், 2-வது பரிசை புலிமலைப்பட்டி மடை கருப்பண சுவாமி மற்றும் முத்துப்பட்டி முனியாண்டி வண்டியும், 3-வது பரிசை நகரம்பட்டி வாளுக்குவேலி மற்றும் சின்னமனூர் வேதவர்சினி வண்டியும், 4-வது பரிசை புதுப்பட்டி மணி வண்டியும் பெற்றது.

சின்ன மாட்டு வண்டி பந்தயம்

பின்னர் நடைபெற்ற சின்னமாட்டு வண்டி பந்தயத்தில் 19 வண்டிகள் கலந்துகொண்டன. இதில் முதல் 6 வண்டிகளுக்கு பரிசுகள் வழங்கப்பட்டது. அதன்படி முதல் பரிசை அப்பன்திருப்பதி ராகுல் வண்டியும், 2-வது பரிசை கிடாரிப்பட்டி பாண்டியராஜன் வண்டியும், 3-வது பரிசை கம்பம் பேச்சியம்மன் வண்டியும், 4-வது பரிசை வல்லாளப்பட்டி கற்காத்தா வண்டியும், 5-வது பரிசை உடன்குளம் முத்துநாச்சி வண்டியும், 6-வது பரிசை பாகனேரி பிரதாப்வெள்ளையன் வண்டியும் பெற்றது.

வெற்றி பெற்ற மாட்டு வண்டிகளின் உரிமையாளர்கள் மற்றும் வண்டி சாரதிகளுக்கு பரிசுகள் வழங்கப்பட்டன.