திருச்சி மாவட்ட சி.பி.எஸ்.இ. பள்ளிகளுக்கு இடையேயான கூடைப்பந்து போட்டி திருச்சி சந்தானம் வித்யாலயா பள்ளியில் நடைபெற்றது. முன்னதாக பள்ளி முதல்வர் பத்மா ஸ்ரீநிவாசன் அனைவரையும் வரவேற்றார். இந்த போட்டி 12, 15, 19 வயதுக்குட்பட்டவர்களுக்கு 3 பிரிவுகளில் நடைபெற்றது. இதில் 12 பள்ளிகளில் இருந்து 120 மாணவ-மாணவிகள் ஆர்வத்துடன் கலந்து கொண்டு விளையாடினர். 12 வயதுக்குட்பட்ட பிரிவில் ஸ்ரீ வாகீஷா வித்யாஸ்ரம் பள்ளி முதலிடம் பிடித்தது. 2-வது இடத்தை சந்தானம் வித்யாலயா பள்ளி பெற்றது. 15 வயதுக்குட்பட்ட பிரிவில் முதல் இடத்தை சந்தானம் வித்யாலயா பள்ளியும், 2-வது இடத்தை காவேரி குளோபல் பள்ளியும், 19 வயதுக்குட்பட்ட பிரிவில் முதல் இடத்தை ஆர்.எஸ்.கே. பள்ளியும், 2-வது இடத்தை கேர் இன்டர் நேஷனல் பள்ளியும் பிடித்தது. இதையடுத்து, சந்தானம் குழு நிறுவனத்தின் தலைமை நிர்வாக அதிகாரி சந்திரசேகரன் சிறப்பு விருந்தினராக கலந்து கொண்டு வெற்றி பெற்ற மாணவ-மாணவிகளுக்கு பரிசுகளை வழங்கினார். இந்த விழாவில் பள்ளி ஆசிரியர்கள், பெற்றோர்கள், மாணவ-மாணவிகள் உள்பட பலர் கலந்து கொண்டனர்.