தூத்துக்குடி அருகே உள்ள கீழவைப்பார் கிராமம் மேட்டு தெருவைச் சேர்ந்த அடிமைபீரிஸ் மகன் ரெனோபன் (வயது 23), நேற்று மாலை கோவில் திருவிழாவுக்கு துணி எடுப்பதற்காக தூத்துக்குடி வந்துள்ளார். தூத்துக்குடி பழைய பேருந்து நிலையத்தில் பேருந்துக்காக காத்திருந்தபோது, அங்கு வந்த 3 பேர் இவரது செல்போனை பறித்துச் சென்றனர். இதன் மதிப்பு ரூ.15 ஆயிரம் ஆகும்.
அப்போது பேருந்து நிலையத்தில் காவல் பணியில் ஈடுபட்டிருந்த பேலீசார் அவர்கள் 3 பேரையும் விரட்டி பிடித்து மத்திய பாகம் காவல் நிலையத்திற்கு அழைத்துச் சென்றனர். விசாரணையில் அவர்கள் கீழதட்டாபாறை, மேல தெருவைச் சேர்ந்த ஆறுமுகசாமி மகன் இசக்கிசெல்வம்(19) மற்றும் 2 இளஞ்சிறார்கள் என்று தெரியவந்தது. இதையடுத்து 3 பேரையும் பேலீசார் கைது செய்தனர். இதுகுறித்து இன்ஸ்பெக்டர் பாஸ்கரன் விசாரணை நடத்தி வருகிறார்.
