சென்னை,
10, 12-ம் வகுப்பு பொதுத்தேர்வு முடிவுகள் கடந்த மாதம் வெளியான நிலையில், தேர்வில் தோல்வியடைந்தவர்கள் மற்றும் தேர்வை எழுதாதவர்களுக்கு துணைத்தேர்வு நடத்தப்பட உள்ளது. அதன்படி, 12-ம் வகுப்பு துணைத்தேர்வு ஜூலை 25-ந்தேதி தொடங்கி ஆகஸ்டு மாதம் 1-ந்தேதி வரை நடைபெற உள்ளது.
இந்த நிலையில், 12-ம் வகுப்பு துணைத்தேர்வுக்கான ஹால்டிக்கெட்டை இன்று (20.07.2022) முதல் பதிவிறக்கம் செய்து கொள்ளலாம் என்று தேர்வுத்துறை அறிவித்துள்ளது. www.dge.tn.gov.in என்ற இணையதளத்தில் சென்று தங்கள் விவரங்களை பயன்படுத்தி ஹால்டிக்கெட்டை பதிவிறக்கம் செய்து கொள்ளலாம்' என்று தெரிவிக்கப்பட்டு உள்ளது.