மொடக்குறிச்சி
எழுமாத்தூர் ஒழுங்குமுறை விற்பனை கூடத்தில் கொப்பரை தேங்காய் ஏலம் நடைபெற்றது. எழுமாத்தூர், மொடக்குறிச்சி பகுதி விவசாயிகள் 1,199 மூட்டை கொப்பரை தேங்காயை விற்பனைக்கு கொண்டு வந்திருந்தனர்.
இதில் முதல் தரம் கொப்பரை தேங்காய் கிலோ குறைந்தபட்ச விலையாக ரூ.73.89-க்கும், அதிகபட்ச விலையாக ரூ.83.59-க்கும், சராசரி விலையாக ரூ.80.10-க்கும் ஏலம் போனது.
இதேபோல் 2-ம் தரம் கொப்பரை தேங்காய் குறைந்தபட்ச விலையாக ரூ.64.10-க்கும், அதிகபட்ச விலையாக ரூ.75.79-க்கும், சராசரி விலையாக ரூ.71.42-க்கும் ஏலம் போனது.
மொத்தம் 58 ஆயிரத்து 735 கிலோ எடையுள்ள கொப்பரை தேங்காய் 45 லட்சத்து 36 ஆயிரத்து 972 ரூபாய்க்கு விற்பனையானது என்று விற்பனைக்கூட கண்காணிப்பாளர் தெரிவித்தார்.
