பரமத்திவேலூர்
பரமத்தி வேலூர் வெங்கமேட்டில் உள்ள மின்னணு தேசிய வேளாண்மை சந்தையில் வியாழக்கிழமை நடைபெற்ற ஏலத்தில் ரூ.6 லட்சத்து 3 ஆயிரத்திற்கு தேங்காய் பருப்பு விற்பனையானது. பரமத்தி வேலூர் வெங்கமேட்டில் உள்ள மின்னணு தேசிய வேளாண்மை சந்தையில் கடந்த வாரம் வியாழக்கிழமை 12 ஆயிரத்து 938 கிலோ தேங்காய் பருப்பை விவசாயிகள் ஏலத்திற்கு கொண்டு வந்திருந்தனர். இதில் அதிகபட்சமாக கிலோ ஒன்று ரூ.87.69-க்கும், குறைந்தபட்சமாக ரூ.58.79-க்கும், சராசரியாக ரூ.87.69-க்கும் ஏலம் போனது. மொத்தம் ரூ.10 லட்சத்து 76 ஆயிரத்து 340-க்கு ஏலம் போனது. நேற்று நடைபெற்ற ஏலத்திற்கு 7 ஆயிரத்து 620 கிலோ தேங்காய் பருப்பை விவசாயிகள் கொண்டு வந்திருந்தனர். இதில் அதிகபட்சமாக கிலோ ஒன்று ரூ.90.19-க்கும், குறைந்தபட்சமாக ரூ.52.59-க்கும், சராசரியாக ரூ.85.49-க்கும் ஏலம் போனது. மொத்தம் ரூ.6 லட்சத்து 3 ஆயிரத்து 626-க்கு விற்பனை நடைபெற்றது.