பரமத்திவேலூர்
பரமத்திவேலூர் வெங்கமேட்டில் உள்ள மின்னணு தேசிய வேளாண்மை சந்தையில் தேங்காய் பருப்பு ஏலம் நடைபெற்றது. கடந்த வாரம் வியாழக்கிழமை 10 ஆயிரத்து 457 கிலோ தேங்காய் பருப்பை விவசாயிகள் ஏலத்திற்கு கொண்டு வந்திருந்தனர். இதில் அதிகபட்சமாக கிலோ ஒன்று ரூ.82.89-க்கும், குறைந்தபட்சமாக ரூ.55.10-க்கும், சராசரியாக ரூ.78.60-க்கும் ஏலம் போனது. மொத்தம் ரூ.7 லட்சத்து 99 ஆயிரத்து 450-க்கு ஏலம் போனது. நேற்று நடைபெற்ற ஏலத்திற்கு 12 ஆயிரத்து 149 கிலோ தேங்காய் பருப்பை விவசாயிகள் கொண்டு வந்திருந்தனர். இதில் அதிகபட்சமாக கிலோ ஒன்று ரூ.84.11-க்கும், குறைந்த பட்சமாக ரூ.57.19-க்கும், சராசரியாக ரூ.80.79-க்கும் ஏலம் போனது. மொத்தம் ரூ.9 லட்சத்து 18 ஆயிரத்து 317-க்கு விற்பனையானது.