சென்னை,
நீலகிரி மாவட்டம் முதுமலை யானைகள் முகாமில் பராமரிக்கப்படும், தாயை பிரிந்த இரண்டு யானை குட்டிகளுக்கும், அவற்றின் பராமரிப்பாளர்களுக்கும் இடையிலான பிணைப்பை சித்தரித்து எடுக்கப்பட்ட 'தி எலிபென்ட் விஸ்பரர்ஸ்' ஆவணப்படம் ஆஸ்கார் விருதை வென்றது.
இந்த ஆவணப்படத்தில் இடம்பெற்ற ரகு-பொம்மி யானைகள் வேகமாக வளர்ந்து வரும் நிலையில், அவற்றைக் காண குழந்தைகளுடன் வருமாறு சுற்றுலா பயணிகளுக்கு தமிழக வனத்துறை செயலாளர் சுப்ரியா சாகு அழைப்பு விடுத்துள்ளார். தெப்பக்காடு யானைகள் முகாமில் ரகு-பொம்மி யானைகளுக்கு கரும்பு கொடுத்து மகிழ்ந்த அவர் சமூக வலைத்தளத்தில் பதிவிட்டுள்ள வீடியோ தற்போது வைரலாக பரவி வருகிறது.