சென்னை,
ஒவ்வொரு மாத இறுதியிலும் சமையல் எரிவாயு சிலிண்டரின் விலை மாற்றி அமைக்கப்படுவது வழக்கம். அதன்படி வணிக பயன்பாட்டிற்கான சிலிண்டரின் விலை இன்று 105 ரூபாய் உயர்த்தி அறிவிக்கப்பட்டுள்ளது. இதன் மூலம் 19 கிலோ எடையுள்ள வணிக எரிவாயு சிலிண்டரின் விலை ரூ.2,145.50-க்கு விற்பனை செய்யப்படுகிறது.
அதே நேரம் வீட்டு சமையல் எரிவாயும் சிலின்டரின் விலை எந்த மாற்றமும் இன்றி ரூ.915.50-க்கு விற்பனை செய்யப்பட்டு வரும் நிலையில், வணிக பயன்பாட்டிற்கான சிலிண்டரின் விலை உயர்வால் உணவகம், தேநீர் கடைகளின் உரிமையாளர்கள் மற்றும் சிறு, குறு தொழில் நிறுவனத்தினர் பாதிக்கப்பட்டுள்ளனர்.