சேலம் மாவட்டத்தில் இதுவரை 12 வயதுக்கு மேற்பட்ட 29 லட்சத்து 18 ஆயிரத்து 99 பேர் கொரோனா முதல் தவணை தடுப்பூசியும், 26 லட்சத்து 76 ஆயிரத்து 707 பேர் 2-ம் தவணை தடுப்பூசியும் செலுத்தி உள்ளனர். மாவட்டத்தில் இதுவரை நடைபெற்ற 34 சிறப்பு மெகா தடுப்பூசி முகாம்களில் 8 லட்சத்து 25 ஆயிரத்து 795 பேருக்கு முதல் தவணை தடுப்பூசியும், 13 லட்சத்து 59 ஆயிரத்து 791 பேருக்கு 2-ம் தவணை தடுப்பூசியும், 1 லட்சத்து 40 ஆயிரத்து 805 பேருக்கு பூஸ்டர் தடுப்பூசியும் செலுத்தப்பட்டுள்ளன.
இந்த நிலையில் நாளை (ஞாயிற்றுக்கிழமை) 35-வது கொரோனா சிறப்பு மெகா தடுப்பூசி முகாம் காலை 7 மணி முதல் இரவு 7 மணி வரை நடைபெறுகிறது. இதற்காக மாவட்டம் முழுவதும் 2 ஆயிரத்து 690 தடுப்பூசி மையங்கள் அமைக்கப்பட்டுள்ளன. இந்த பணியில் 15 ஆயிரத்து 500-க்கும் மேற்பட்ட அலுவலர்கள் ஈடுபடுகிறார்கள். முகாமில் 65 ஆயிரம் பேருக்கு தடுப்பூசி செலுத்த இலக்கு நிர்ணயம் செய்யப்பட்டுள்ளது. இந்த தகவலை மாவட்ட கலெக்டர் கார்மேகம் தெரிவித்துள்ளார்.