அரூர்
அரூர் கூட்டுறவு வேளாண்மை உற்பத்தியாளர்கள் சங்கத்தில் நேற்று பருத்தி ஏலம் நடைபெற்றது. அரூர், கம்பைநல்லூர், கோட்டப்பட்டி உள்பட பல்வேறு பகுதிகளில் இருந்து விவசாயிகள் 3,200 மூட்டை பருத்தியை ஏலத்திற்கு கொண்டு வந்தனர். இதில் எம்.சி. 5 ரக பருத்தி குவிண்டால் ரூ.5,989 முதல் ரூ.6,519 வரை ஏலம் போனது. நேற்று நடந்த ஏலத்தில் ரூ.76 லட்சம் பருத்தி ஏலம் போனதாக செயலாளர் அறிவழகன் தெரிவித்தனர்.