சென்னை,
சென்னை கிண்டியில் உள்ள அண்ணா பல்கலைக்கழகத்தில் தங்கியிருந்து படித்து வந்த மாணவரான ஹரிஷ்குமார் என்பவருக்கு உண்ணி காய்ச்சல் பாதிப்பு ஏற்பட்டுள்ளது. அவருக்கு 4 நாட்களுக்கு மேலாக காய்ச்சல் இருந்து வந்ததாக கூறப்படுகிறது.
இந்த நிலையில், காய்ச்சலால் நுரையீரல் முழுவதும் பாதிக்கப்பட்டு மாணவர் ஹரிஷ்குமார் உயிரிழந்தார். இதனிடையே, அண்ணா பல்கலைக்கழகத்தில் டெங்கு காய்ச்சல் பரவி வருவதாகவும், டெங்கு காய்ச்சலால் மாணவர் உயிரிழந்ததாகவும் தகவல் பரவிய நிலையில், அந்த தகவல் உண்மை இல்லை என தகவல் சரிபார்ப்பு அமைப்பு தெரிவித்துள்ளது குறிப்பிடத்தக்கது.
