திருத்தணியில் திரவுபதி அம்மன் கோவில் தீமிதி திருவிழா

திருவள்ளூர் மாவட்டம், திருத்தணி காந்திரோடு பகுதியில் அமைந்துள்ள திரவுபதி அம்மன் கோவிலில் ஆண்டுதோறும் ஏப்ரல் மாதத்தில் தீமிதி திருவிழா நடப்பது வழக்கம். அந்த வகையில் இந்த ஆண்டிற்கான தீமிதி திருவிழா நேற்று காலை 6 மணிக்கு கொடியேற்றத்துடன் தொடங்கியது.

இந்த நிலையில் நேற்று முன்தினம் காலை, கணபதி, நவகிரக ஹோமம், கோ பூஜை, யாகசாலை பூஜைகள் நடந்தது. நேற்று காலை 8 மணிக்கு உற்சவர் அம்மன் சிறப்பு அலங்காரத்தில் வீதியுலா வந்து பக்தர்களுக்கு அருள்பாலித்தார். தினமும் காலையில் மூலவர் அம்மனுக்கு சந்தன காப்பு மற்றும் சிறப்பு தீபாராதனையும், தினமும் மதியம் 1 மணி முதல் மாலை 5.30 மணி வரை மகாபாரத தொடர் சொற்பொழிவும் நடக்க உள்ளது. அடுத்த மாதம் 9-ந் தேதி காலை துரியோதனன் படுகளமும், மாலை 6 மணிக்கு தீமிதி திருவிழாவும் நடைபெறுகிறது.