சென்னை,
தமிழகத்தில் சட்டமன்ற தேர்தலுக்கு ஏறக்குறைய இன்னும் இரண்டு வருடங்கள் உள்ள நிலையில், திமுக இப்போதே தேர்தல் பணிகளை தொடங்கியுள்ளது. அதாவது, 2026 சட்டமன்ற தேர்தலுக்கான திமுக ஒருங்கிணைப்புக் குழுவை முதல்-அமைச்சர் மு.க.ஸ்டாலின் அறிவித்துள்ளார்.
இந்தக் குழுவில் அமைச்சர் கே.என்.நேரு, ஆர்.எஸ்.பாரதி, எ.வ.வேலு, தங்கம் தென்னரசு, உதயநிதி ஸ்டாலின் ஆகியோர் இடம்பெற்றுள்ளனர். இவர்கள் கட்சியில் மேற்கொள்ள வேண்டிய மாற்றங்கள், அமைப்பு ரீதியான சீரமைப்புகளை பரிந்துரைப்பது உள்ளிட்ட நடவடிக்கைகளை மேற்கொள்வார்கள் என முதல்-அமைச்சர் மு.க.ஸ்டாலின் அறிவித்துள்ளார்.