தேவதானப்பட்டியில் உள்ள மஞ்சளாறு அணையின் மொத்த உயரம் 57 அடி ஆகும். அணையின் பாதுகாப்பு கருதி 55 அடி வரை நீர் தேக்கி வைக்கப்படுகிறது. இந்த அணையின் மூலம் திண்டுக்கல், தேனி மாவட்டங்களில் 5 ஆயிரத்து 250 ஏக்கர் நிலங்கள் பாசன வசதி பெறுகின்றன. கடந்த ஜூலை மாதம் நீர்ப்பிடிப்பு பகுதிகளில் மழை பெய்ததால் நீர்வரத்து அதிகரித்தது. மேலும் கடந்த ஜூலை மாதம் 31-ந்தேதி நீர்மட்டம் 55 அடியை எட்டியதால் அணையில் இருந்து உபரிநீர் திறக்கப்பட்டது. இந்நிலையில் கடந்த 1 மாதமாக அணையின் நீர்மட்டம் 55 அடியில் நீடிக்கிறது. நீர்வரத்து வினாடிக்கு 90 கனஅடியாக உள்ளது. அணைக்கு வரும் நீ அப்படியே உபரி நீராக வெளியேற்றப்படுகிறது.
