சென்னை,
தமிழக உயர்கல்வித்துறையின் கல்லூரி கல்வி இயக்ககத்தின் கீழ், 164 அரசு கலை மற்றும் அறிவியல் கல்லூரிகள் இயங்கி வருகின்றன. இதற்கான, 2024-25-ம் கல்வியாண்டு மாணவர் சேர்க்கை ஆன்லைன் விண்ணப்ப பதிவு கடந்த 6-ந்தேதி தொடங்கியது.
விண்ணப்ப பதிவு தெடங்கிய 6 நாட்களில், ஒரு லட்சத்து 26 ஆயிரத்து 151 பேர் அரசு கலை மற்றும் அறிவியல் கல்லூரிகளில் படிக்க ஆர்வம் காண்பித்துள்ளனர். இவர்களில், 89 ஆயிரத்து 637 மாணவர்கள் விண்ணப்ப கட்டணம் செலுத்தி உள்ளனர். அரசு கலை மற்றும் அறிவியல் கல்லூரிகளுக்கு விண்ணப்பிக்க மே.20-ந்தேதி கடைசி நாளாகும்.
விண்ணப்ப பதிவு தொடர்பாக சந்தேகங்கள் இருந்தால், 044-24343106, 044-24342911 என்ற எண்ணுக்கோ அல்லது tngasa24@gmail.com என்ற இ-மெயில் முகவரிக்கோ மாணவர்கள் தொடர்பு கொள்ளலாம் என்று கல்லூரி கல்வி இயக்ககம் தெரிவித்துள்ளது.