தமிழக பள்ளிக்கல்வித்துறையின்கீழ் 37 ஆயிரத்திற்கும் மேற்பட்ட அரசு பள்ளிகள் இயங்கி வருகின்றன. இவற்றில் சுமார் 50 லட்சத்திற்கும் மேற்பட்ட மாணவ, மாணவிகள் கல்வி பயின்று வருகின்றனர். மாணவர்கள் நலனுக்காக கற்பித்தல், கற்றல் சார்ந்து எண்ணும்-எழுத்தும், காலை உணவு, ஸ்மார்ட் வகுப்பறைகள் உட்பட பல்வேறு நலத்திட்டங்கள் செயல்படுத்தப்பட்டுள்ளன.

இதனிடையே, அரசுப் பள்ளிகளில் 2025-26 கல்வியாண்டுக்கான மாணவர் சேர்க்கை கடந்த மார்ச் 1-ம் தேதி தொடங்கி விறு விறுப்பாக நடைபெற்று வருகிறது. பெற்றோர்கள் பலர் ஆர்வமுடன் தங்கள் பிள்ளைகளை அரசு பள்ளியில் சேர்த்து வருகின்றனர்.

இந்நிலையில், தமிழகத்தில் உள்ள அரசு பள்ளிகளில் புதிதாக 4 லட்சம் மாணவ-மாணவியர் சேர்ந்துள்ளனர். கேவி வகுப்புகளில் 32,807 மாணவ-மாணவியர், தமிழ் வழி 1ம் வகுப்பில் 2 லட்சத்து 11 ஆயிரத்து 563 மாணவ-மாணவியர், ஆங்கில வழி 1ம் வகுப்பில் 63 ஆயிரத்து 896 மாணவ-மாணவியர், 2ம் வகுப்பு முதல் 8ம் வகுப்பு வரை 92 ஆயிரத்து 98 மாணவ-மாணவியர் என மொத்தம் 4 லட்சத்து 364 மாணவ-மாணவியர் அரசு பள்ளிகளில் சேர்ந்துள்ளனர்.

இது தொடர்பாக பள்ளிக்கல்வித்துறை அமைச்சர் அன்பில் மகேஷ் பொய்யாமொழி வெளியிட்ட எக்ஸ் பதிவில்,

அரசு பள்ளி மாணவர் சேர்க்கை 4 லட்சம்! ஆயிரம் முத்தங்களுடன் மாணவச்செல்வங்களை வரவேற்கிறோம். "அரசுப் பள்ளி என்பது வறுமையின் அடையாளம் அல்ல! அது பெருமையின் அடையாளம்" என தெரிவித்துள்ளார்.