ஆண்டிப்பட்டி அருகே உள்ள பிச்சம்பட்டியை சேர்ந்தவர் மாயக்காள் (வயது 70). இவர் அப்பகுதியில் பெட்டிக்கடை வைத்துள்ளார். இந்தநிலையில் நேற்று மாலை மாயக்காள் தனது வீட்டில் தனியாக தூங்கி கொண்டிருந்தார்.
அப்போது அங்கு வந்த 2 மர்ம நபர்கள், மாயக்காள் வீட்டின் கதவை தட்டினர். இதனால் கண்முழித்த அவர் கதவை திறந்த பார்த்தார். அப்போது வீட்டுக்குள் புகுந்த மர்ம நபர்கள் கண்இமைக்கும் நேரத்தில் மாயக்காள் கழுத்தில் அணிந்திருந்த 5 பவுன் நகையை பறித்ததுடன், அவரை கீழே தள்ளிவிட்டு தப்பி ஓடினர்.
இதுகுறித்து மாயக்காள், ராஜதானி போலீஸ் நிலையத்தில் புகார் அளித்தார். அதன்பேரில் போலீசார் வழக்குப்பதிவு செய்து நகை பறிப்பில் ஈடுபட்ட மர்ம நபர்களை வலைவீசி தேடி வருகின்றனர்.
