பணகுடி,
நெல்லை மாவட்டம் காவல்கிணறு மகேந்திரகிரி இஸ்ரோ மையத்தில், விண்வெளிக்கு மனிதர்களை அனுப்பும் வகையில் 'ககன்யான்' திட்டத்துக்கு தேவையான ராக்கெட் என்ஜின் பரிசோதனை பல்வேறு கட்டங்களாக நடைபெற்று வருகிறது. ஏற்கனவே 5 கட்டமாக மொத்தம் 2,750 வினாடிகள் என்ஜின் சோதனை வெற்றிகரமாக நடந்தது. இதில் 5 எண்ணிக்கையிலான 440 என்.எல்.ஏ.எம். என்ஜின்களும், 8 எண்ணிக்கையிலான 100 என்.ஆர்.சி.எஸ். த்ரஸ்டர்களும் ஈடுபடுத்தப்பட்டன.
இந்த நிலையில் ககன்யான் திட்ட ராக்கெட் என்ஜினின் சர்வீஸ் மாட்யூல் புரோபல்சன் சிஸ்டத்தின் ஒருங்கிணைந்த செயல்திறன் குறித்து 250 வினாடிகள் என்ஜினை இயக்கி வெற்றிகரமாக சோதனை நடத்தப்பட்டது.
