ஆனைமலை
ஆனைமலை ஒழுங்குமுறை விற்பனை கூடத்தில் கொப்பரை தேங்காய் ஏலம் நேற்று முன்தினம் நடைபெற்றது. இதில் 94 விவசாயிகள் 600 மூட்டை கொப்பரையை பொது ஏலத்தில் விற்பனை செய்வதற்காக கொண்டு வந்தனர். காலை 10 மணி முதல் மதியம் 2 மணி வரை கொப்பரை தேங்காய்களை தரம் பிரிக்கும் பணி நடைபெற்றது. தாராபுரம், காங்கேயம், கேரள மாநிலத்தை சேர்ந்த 9 வியாபாரிகள் பொது ஏலத்தில் கலந்து கொண்டனர்.
பின்னர் 318 மூட்டை முதல் ரக கொப்பரை கிலோவுக்கு 76 ரூபாய் 50 காசுகள் முதல் 85 ரூபாய் 75 காசுகள் வரை ஏலம் விடப்பட்டது. 282 மூட்டை 2-ம் ரக கொப்பரை கிலோவுக்கு 66 ரூபாய் முதல் 74 ரூபாய் 50 காசுகள் வரை ஏலம் விடப்பட்டது. கடந்த வாரத்தை விட 115 மூட்டை கொப்பரை குறைந்துள்ளது என்று ஆனைமலை ஒழுங்குமுறை விற்பனைக்கூட கண்காணிப்பாளர் மணிவாசகம் தெரிவித்தார்.
