மாணவிக்கு பாராட்டு

சுரண்டை:

2023-ம் ஆண்டுக்கான மாநில வூசூ குங்பூ சாம்பியன்ஷிப் போட்டிகள், திண்டிவனத்தில் நடந்தது. மாநிலம் முழுவதும் 800 மாணவர்கள் கலந்து கொண்டனர். இதில் தென்காசி மாவட்ட வூசூ சங்கம் சார்பில் 21 மாணவ-மாணவிகள் கலந்து கொண்டனர். இதில் 9 பேர் பதக்கம் வென்றனர். சுரண்டையை சேர்ந்த பள்ளி மாணவி எஸ்.தனஷா மிராக்கிள் சப்-ஜூனியர் பிரிவில் 2 பிரிவு போட்டிகளில் கலந்துகொண்டு 2-வது இடம் பெற்றார். வெற்றி பெற்ற மாணவியை சுரண்டை எஸ்.வேலாயுத நாடார் சன்ஸ் உரிமையாளர் எஸ்.வி.கணேசன் பாராட்டினார். மாவட்ட தலைவர் எஸ்.வி.தர்மர், செயலாளர் எஸ்.சத்தியபீமன் மற்றும் வியாபாரிகள் சங்க நிர்வாகி ஆர்.வி.ராமர் ஆகியோர் உடன் இருந்தனர்.