லால்குடி அருகே இடையாற்றுமங்கலம் கிராமத்தில் மங்களாம்பிகை சமேத மாங்கலீஸ்வரர் கோவில் கும்பாபிஷேக நிகழ்ச்சி விக்னேஸ்வர பூஜையுடன் தொடங்கியது. தொடர்ந்து பல்வேறு யாகசாலை பூஜைகள் நடந்தது. விழாவின் சிகர நிகழ்ச்சியான கும்பாபிஷேகம் நேற்று முன்தினம் நடைபெற்றது. முன்னதாக காலையில் 4-ம் கால யாகபூஜை நடந்தது. தொடர்ந்து, 9.30 மணியளவில் அனைத்து கோபுரங்களுக்கும் புனிதநீர் ஊற்றப்பட்டு கும்பாபிஷேகம் நடந்தது. இதில் திரளான பக்தர்கள் கலந்து கொண்டனர்.