கடத்தூர்
கோபி வேளாண்மை உற்பத்தியாளர்கள் கூட்டுறவு விற்பனை சங்கத்தில் வாழைத்தார்கள் ஏலம் நடந்தது. இதற்கு 4 ஆயிரத்து 450 வாழைத்தார்கள் கொண்டு வரப்பட்டன. இதில் கதலி (கிலோ) ரூ.34-க்கும், நேந்திரன் ரூ.33-க்கும் ஏலம் போனது.
பூவன் (தார்) ரூ.370-க்கும், தேன்வாழை ரூ.540-க்கும், பச்சைநாடன் ரூ.360-க்கும், மொந்தன் ரூ.200-க்கும், ரஸ்தாளி ரூ.440-க்கும், ரொபஸ்டா ரூ.310-க்கும் விற்பனையானது. மொத்தம் ரூ.7 லட்சத்து 5 ஆயிரத்துக்கு வாழைத்தார்கள் விற்பனை செய்யப்பட்டது. இதேபோல் தேங்காய் ஏலம் நடந்தது. இதற்கு 7 ஆயிரத்து 550 தேங்காய்கள் கொண்டு வரப்பட்டன. இதில் தேங்காய் ஒன்று 8 ரூபாய் முதல் 15 ரூபாய் 70 காசு வரை என மொத்தம் 89 ஆயிரம் ரூபாய்க்கு விற்பனையானது.