சென்னை,
தமிழகத்தில் 100 சதவீதம் அனைவருக்கும் தடுப்பூசி போடும் வகையில், தடுப்பூசி திட்டத்தை தீவிரப்படுத்த வாரந்தோறும் மெகா தடுப்பூசி முகாம்கள் நடத்தப்பட்டு வருகின்றன. இந்த நிலையில் மெகா தடுப்பூசி முகாம் இன்று (சனிக்கிழமை) தமிழகம் முழுவதும் நடைபெற்றது .
இது குறித்து பேட்டி அளித்த அமைச்சர் மா.சுப்பிரமணியன் கூறியதாவது ;
தமிழ்நாடு முழுவதும் இன்று நடைபெற்ற மெகா தடுப்பூசி முகாமில் 16.25 லட்சம் டோஸ் தடுப்பூசிகள் செலுத்தப்பட்டுள்ளன. 12 மாவட்டங்களில் 90 சதவீதம் தடுப்பூசி செலுத்தப்பட்டுள்ளது.தமிழகத்தில் இதுவரை மொத்தமாக 9 கோடி பேருக்கு தடுப்பூசி செலுத்தப்பட்டுள்ளது.இதுவரை 22 லட்சம் சிறுவர்களுக்கு தடுப்பூசி செலுத்தப்பட்டுள்ளது என கூறினார்