சென்னை,
இஸ்லாமிய ஆண்டு, ஹிஜிரி ஆண்டு என்று அழைக்கப்படுகிறது. ஹிஜிரி ஆண்டின் முதல் மாதத்தின் பெயர் முகரம். கடைசி மாதத்தின் பெயர் துல்ஹஜ் என்பதாகும்.
தற்போது ஹிஜிரி 1442-ம் ஆண்டு துல்ஹஜ் மாதம் நடைபெற்று வருகிறது. இந்த மாதம் நிறைவு பெறுவதைத்தொடர்ந்து, புதிய ஆண்டின் (1443) முதல் மாதமான முகரம் மாத பிறை நேற்று முன்தினம் (9-ந் தேதி) தென்படவில்லை.
இதையடுத்து ஹிஜிரி 1443 ஆண்டின் முகரம் மாதம் முதல் நாள் இன்று (11-ந் தேதி) முதல் தொடங்குகிறது. எனவே முகரம் 10-ம் நாள், முகரம் பண்டிகை வருகிற 20-ந் தேதி கொண்டாடப்படும்.
மேற்கண்ட தகவல்களை தமிழக அரசின் தலைமை காஜி முப்தி சலாகுதீன் முகம்மது அயூப் வெளியிட்டுள்ளார்.