சென்னை,
வருமான வரித்துறை வரி செலுத்துபவர்கள் நலன் கருதி 'ஏ.ஐ.எஸ். பார் வரி செலுத்துவோர்' என்ற புதிய செல்போன் செயலி ஒன்றை அறிமுகப்படுத்தி உள்ளது. இந்த செயலி மூலம் வரி செலுத்துபவர்கள் தங்கள் தகவல் சுருக்கம், தகவல் அறிக்கைகளை ஆண்டுதோறும் இதில் பார்க்க முடியும். வருமான வரித்துறையால் இலவசமாக வழங்கப்படும் செல்போன் பயன்பாடு ஆகும். இவை கூகுள் பிளேயில் கிடைக்கிறது.
வரி செலுத்துவோர் தொடர்பான பல்வேறு ஆதாரங்கள் தொடர்பான தகவல்களை காண இந்த செயலியை பயன்படுத்தி கொள்ளலாம். குறிப்பாக, வட்டி, ஈவுத்தொகை, பங்கு பரிவர்த்தனைகள், வரி செலுத்துதல், வருமான வரி திரும்பப் பெறுதல் உள்ளிட்டவை குறித்த தகவல்களை பெற முடியும். வரி செலுத்துபவருக்கு தகவல் பற்றிய கருத்தை வழங்குவதற்கான விருப்பமும் வசதியும் உள்ளது.
இந்த செல்போன் செயலியை அணுக, வரி செலுத்துவோர் பயன்பாட்டில் பதிவு செய்ய வேண்டும். குறிப்பாக பான் எண்ணை வழங்குதல், செல்போன் எண்ணில் அனுப்பப்பட்ட ஓடிபி மூலம் அங்கீகரிக்கவும், மின்னஞ்சல், இ-பைலிங் போர்ட்டலில் பதிவு செய்யப்பட்டு உள்ளது அங்கீகாரத்திற்குப் பிறகு, வரி செலுத்துவோர் செயல்படுத்த முடியும்.
செல்போன் பயன்பாட்டை அணுக 4 இலக்க பின்னை அமைக்கவும். இதன் மூலம் மேம்படுத்தப்பட்ட வரி செலுத்துவோர் சேவைகள் இணக்கத்தை எளிதாக்குகிறது என்று டெல்லி வருமானவரி கமிஷனர் சுரபி அலுவாலியா கூறி உள்ளார்.