சென்னை,
தமிழகத்தில் ஒன்று முதல் ஐந்தாம் வகுப்பு வரை இறுதித் தேர்வு இல்லை என்று பள்ளிகல்வித்துறை தகவல் தெரிவித்துள்ளது.
இதுதொடர்பாக வெளியிடப்பட்டுள்ள செய்திகுறிப்பில், 1 முதல் 5ஆம் வகுப்புகளுக்கு இறுதித் தேர்வுகள் கிடையாது. 6 முதல் 9ஆம் வகுப்புகளுக்கு மே 5 ஆம் தேதி முதல் 13-ம் தேதி வரை இறுதித் தேர்வுகள் நடைபெறும். 6 முதல் 9 ஆம் வகுப்புகளுக்கான தேர்வு முடிவுகள் மே 30 ஆம் தேதி வெளியிடப்படும். 9-ம் வகுப்பு மாணவர்களுக்கான செய்முறை தேர்வு மே மாதம் 2 முதல் 4ஆம் தேதி வரை நடைபெறும். 2022-23ஆம் ஆண்டு கல்வி ஆண்டில் 11ஆம் வகுப்பு மாணவர்களுக்கு ஜூன் மாதம் 24ஆம் தேதி துவங்குகிறது. மற்ற வகுப்பு மாணவர்களுக்கு ஜூன் மாதம் 13ஆம் தேதி துவங்கும் என்றும் அதில் பள்ளிகல்வித்துறை தெரிவித்துள்ளது.