காமராஜர் சாலையில் போக்குவரத்து மாற்றம்

சென்னை,

இது தொடர்பாக போக்குவரத்து போலீசார் நேற்று வெளியிட்ட செய்திக்குறிப்பில் கூறியிருப்பதாவது:-

* கடற்கரை உட்புற சாலையில் உள்ள அனைத்து வழிகளும் 31-ந் தேதி (இன்று) இரவு 8 மணி முதல் சாலை தடுப்புகள் கொண்டு அடைக்கப்பட்டு வாகனங்கள் கடற்கரை உட்புற சாலையில் நுழையாமல் தடை செய்யப்படும்.

* கடற்கரை உட்புற சாலையில் உள்ள வாகனங்கள் காமராஜர் சாலை வழியாக வெளியே செல்வதற்கு இரவு 8 மணி வரை மட்டும் அனுமதிக்கப்படும். அதன் பிறகு கடற்கரை உட்புற சாலையில் நிறுத்தப்பட்டுள்ள வாகனங்கள் அனைத்தும் கலங்கரை விளக்கத்திற்கு பின்புறம் மட்டுமே வெளியேற்றப்படும் .

* காமராஜர் சாலையில் காந்தி சிலை முதல் போர் நினைவு சின்னம் வரையில் இரவு 8 மணி முதல் 1-ந் தேதி அதிகாலை 4 மணி வரை வாகனங்கள் செல்ல அனுமதிக்கப்படமாட்டாது .

* ரிசர்வ் வங்கி சுரங்கப்பாதை மற்றும் வாலாஜா முனை சந்திப்பில் இருந்து போர் நினைவு சின்னம் நோக்கி வரும் வாகனங்கள் இரவு 8 மணி முதல் கொடிமர சாலை வழியாக திருப்பிவிடப்பட்டு அண்ணா சாலை சென்றடையலாம்.

* அடையாரில் இருந்து காந்தி சிலை நோக்கி வரும் வாகனங்கள் கச்சேரி சாலை மற்றும் சாந்தோம் நெடுஞ்சாலை சந்திப்பில் இருந்து கச்சேரி சாலை, லஸ் சந்திப்பு, ராயப்பேட்டை நெடுஞ்சாலை, மியூசிக் அகாடமி வழியாக அண்ணா சாலை சென்றடையலாம்.

* காரணீஸ்வரர் சாலையில் இருந்து வரும் வாகனங்கள் காமராஜர் சாலையை நோக்கி செல்ல அனுமதிக்காமல் சாந்தோம் நெடுஞ்சாலை வழியாக செல்ல அனுமதிக்கப்படும்.

* எந்த வாகனங்களும் லூப் ரோடு வழியாக காமராஜர் சாலைக்கு செல்ல அனுமதிக்கப்படமாட்டாது, சீனிவாசபுரம் சந்திப்பு வழியாக வாகனங்கள் திருப்பிவிடப்படும்.

* டாக்டர் ராதாகிருஷ்ணன் சாலை, லாயிட்ஸ் சாலை, பெசன்ட் சாலை, பாரதி சாலை, வாலாஜா சாலை, ஆடம்ஸ் சாலை, கொடிமரத்து சாலை, போர்நினைவு சின்னம் ஆகியவற்றில் இருந்து வரும் வாகனங்களை காமராஜர் சாலைக்கு இரவு 8 மணி முதல் அனுமதிக்கப்படமாட்டாது. அந்த வாகனங்களை கீழே குறிப்பிட்ட வாகன நிறுத்தும் இடங்களில் நிறுத்திக்கொள்ளலாம்.

ராணி மேரி கல்லூரி வளாகம், சுவாமி சிவானந்தா சாலை (ஒருபுறம்), சேப்பாக்கம் ரெயில் நிலையம், லாய்ட்ஸ் சாலை ரெயில் நிலையம், டாக்டர் பெசன்ட் சாலையில் (ஒருபுறம்), லாய்ட்ஸ் சாலையில் (ஒருபுறம்) நிறுத்திக்கொள்ளலாம்.

* பெசன்ட்நகர் எலியட்ஸ் கடற்கரையில் உள்ள 6-வது அவென்யூவில் இரவு 8 மணி முதல் 1-ந் தேதி அதிகாலை 4 மணி வரை எந்த வாகனங்களும் அனுமதிக்கப்படமாட்டாது.

* பெசன்ட் நகர் 6-வது அவென்யூ இணைப்பு சாலைகளான 5-வது அவென்யூ, 4-வது பிரதான சாலை, 3-வது பிரதான சாலை, 16-வது குறுக்கு தெரு ஆகிய பகுதிகள் தடுக்கப்படும். மகாத்மா காந்தி சாலை, 7-வது அவென்யூ சந்திப்பில் இருந்து வேளாங்கண்ணி ஆலயத்திற்கு வாகனங்கள் அனுமதிக்கப்படமாட்டாது .

பெசன்ட் நகர் 4-வது அவென்யூ (ஒருபுறம்), பெசன்ட் நகர் 3-வது பிரதான சாலை (ஒருபுறம்), பெசன்ட் நகர் 4-வது பிரதான சாலை (ஒருபுறம்), பெசன்ட் நகர் 5-வது அவென்யூ (ஒருபுறம்), பெசன்ட் நகர் 2-வது அவென்யூ (ஒருபுறம்), பெசன்ட் நகர் 3-வது அவென்யூ (ஒருபுறம்).

இவ்வாறு அந்த செய்திக்குறிப்பில் கூறப்பட்டுள்ளது.