ஊஞ்சலூர்
ஊஞ்சலூர் அருகே வெள்ளோட்டாம் பரப்பு பேரூராட்சிக்குட்பட்டது நடுப்பாளையம். இங்கு சாய் பாபா கோவில் புதிதாக அமைக்கபட்டுள்ளது. இந்த கோவிலில் கடந்த 2-ந்தேதி கும்பாபிஷேகம் நடைபெற்றது. அதனை தொடர்ந்து தினமும் மண்டல பூஜை நடைபெற்று வந்தது. நேற்று மண்டல பூஜை நிறைவு விழா காலை 8 மணி முதல் மதியம் 12 மணி வரை நடந்தது. இதனையொட்டி 108 சங்குகளால் சாய் பாபாவுக்கு சங்காபிஷேகம் நடந்தது. தொடர்ந்து கோவிலில் யாக பூஜை நடைபெற்றது. இதில் ஏராளமான பக்தர்கள் கலந்துகொண்டு சாமி தரிசனம் செய்தனர்.
