மதுரை,

மதுரையில் தமிழக பாஜக மாநில முன்னாள் தலைவர் அண்ணாமலை செய்தியாளர் சந்திப்பில் கூறியதாவது:-

களத்தில் 24 மணி நேரம் தவெக செயல்பட வேண்டும். வேகத்தை களத்தில் காட்டினால் தான் மக்கள் நம்புவர். சனி, ஞாயிறுதான் சுற்றுப்பயணம் என சொல்கின்றனர். நாங்களே மாற்று எனச் சொல்லும் தவெக, சனிக்கிழமை மட்டுமின்றி, முழு நேர அரசியல் செய்யட்டும். அரசியல் செய்வோர் முழுநேரமாக அரசியலில் பணியாற்ற வேண்டும். காவல் துறையை குறை சொல்வதை விட்டுவிட்டு, நீதிமன்றத்தில் தவெக அனுமதி வாங்கலாமே?

ஓபிஎஸ், டிடிவி தினகரன் ஆகிய இருவருமே தேசிய ஜனநாயக கூட்டணியில் இருக்க வேண்டுமென தொடர்ந்து வலியுறுத்தி வருகிறேன். வருத்தத்தில் முடிவு எடுத்திருப்பார்கள்; கொஞ்சம் பொறுத்திருப்போம்; காலம் கனிந்து வரட்டும். டிடிவி தினகரன் நல்ல தலைவர். நயினார் நாகேந்திரனுக்கும், டிடிவி தினகரனுக்கும் இடையே கருத்து வேறுபாடு இருக்காது. மக்களின் எதிர்ப்பார்ப்பு நவம்பர், டிசம்பரில் வெளிப்படும் என்றார்.