திருத்தணி முருகன் கோவிலில் அடுத்த மாதம் ஆடிக்கிருத்திகை திருவிழா நடைப்பெறவுள்ளது. இந்த திருவிழாவிற்கு தடையில்லா மின்சாரம் வழங்கும் பொருட்டு திருத்தணி நகரம்-1 பிரிவிற்கு உட்பட்ட பகுதிகளில் மின் பராமரிப்பு பணிகள் நடைபெற உள்ளதால் நாளை (திங்கட்கிழமை) மின் நிறுத்தம் செய்யப்படும் என திருத்தணி கோட்ட செயற்பொறியாளர் மு.சி.பாரிராஜ் தெரிவித்துள்ளார்.
நாளை மின்நிறுத்தம் செய்யப்படும் பகுதிகள்: நல்லான்குளம், மேல் திருத்தணி, முருகூர் மற்றும் அதனைச் சுற்றியுள்ள பகுதிகள், சேகர்வர்மா நகர், காமராஜர் நகர், வாரியார்நகர், பெரியார் நகர், அண்ணாமலை நகர், வெற்றிவேல் நகர் மற்றும் அதனை சுற்றியுள்ள பகுதிகளில் காலை 9 மணி முதல் மாலை 5 மணி வரை மின் நிறுத்தம் செய்யப்படும்.