வேலூர் மாவட்டம், கணியம்பாடி ஒன்றியத்துக்கு உட்பட்ட அடுக்கம்பாறை ஊராட்சியில் நடைபெற்று வரும் வளர்ச்சி திட்ட பணிகளை ஊரக வளர்ச்சி முகமை திட்ட இயக்குனர் ஆர்த்தி நேற்று ஆய்வு மேற்கொண்டார். 100 நாள் வேலை திட்டத்தில் நடைபெறும் பணிகள் மற்றும் அடிப்படை வசதிகள் செய்வது குறித்து நேரில் சென்று பார்வையிட்டார். அப்போது வட்டார வளர்ச்சி அலுவலர்கள் தயாளன், பானுமதி, ஊராட்சி மன்ற தலைவர் திருநாவுக்கரசு, துணை தலைவர் தென்போஸ்கோ, ஊராட்சி செயலாளர் கணேசன் உள்ளிட்டோர் உடன் இருந்தனர்.